PREMIOS "NÓS TAMÉN CREAMOS"

O colexio participou no certame "Nós tamén creamos" onde cada clase de EP presentou unha curta coa modalidade de "Stop motion".  O profe Víctor fixo un enorme traballo para que que todo o alumnado participase na gravación e montaxe de cada obra traballada. Finalmente o curso de 1º de Ep levou un segundo premio a nivel de Galiza e foron recollelo a Santiago. Parabéns!!!!

 EDUC-VISION TUI

Durante un tempo un grupiño de nenas do colexio preferiron aprender a bailar e cantar durante os recreos pezas que forman parte do noso repertorio cultural galego. O colofón tivo lugar no educ-vision de Tui celebrado en xuño. O éxito foi total. Noraboa ás nosas artistas!!

 O DÍA DE ROSALIA, 23 de febreiro.

Non pode faltar durante o curso a  homenaxe a unha das nosas escritoras máis importantes. Cada clase fixo un traballo referente a ela e con eles elaboramos un mural enorme que quedou na entrada do colexio para que todos os que nos visitaran desfrutaran del. A ver se vos gusta.

Tamén se elaborou o caldo de Gloria que tivo moito éxito, sobre todo nos máis cativos que tomaron máis dunha cunca. Os nosos cociñeiros, Pedro e Víctor, non daban crédito!!